ჩვენ შესახებ

ჩვენი მისია

გავამარტივოთ ახალციხეში ყოველდღიური ცხოვრება და ეკონომიკური ურთიერთობები თანამედროვე ციფრული ტექნოლოგიების გამოყენებით.

შევქმნათ ხელმისაწვდომი გარემო, სადაც თითოეულ მოქალაქეს, მცირე მეწარმესა თუ კომპანიას შეეძლება საკუთარი შესაძლებლობების წარმოჩენა და ადგილობრივ საზოგადოებასთან დაკავშირება.

ჩვენი ხედვა

ჩვენი მიზანია, MyAkhaltsikhe.ge ეტაპობრივად ჩამოყალიბდეს ქალაქის ერთიან ციფრულ სივრცედ, რომელიც მომავალში გააერთიანებს:

• ადგილობრივ განცხადებებსა და სავაჭრო შეთავაზებებს
• ბიზნესებისა და მომსახურების მიმწოდებლების კატალოგს
• დასაქმებისა და პროფესიულ შესაძლებლობებს
• ქალაქის სიახლეებსა და მნიშვნელოვან ინფორმაციას
• ადგილობრივი საზოგადოებისათვის სასარგებლო ციფრულ სერვისებს

გრძელვადიან პერსპექტივაში გვსურს ამ მოდელის განვითარება საქართველოს სხვა ქალაქებშიც, თითოეული მათგანის ადგილობრივი საჭიროებებისა და თავისებურებების გათვალისწინებით.

რატომ შევქმენით MyAkhaltsikhe.ge?

იმიტომ, რომ ადგილობრივი შესაძლებლობები ხშირად შეუმჩნეველი რჩება. ხოლო ინფორმაცია გაბნეულია სხვადასხვა სოციალურ ქსელებსა და ვებგვერდებზე.

მცირე მეწარმეს სჭირდება მომხმარებელი, მოქალაქეს — სასურველი პროდუქტი ან მომსახურება, ბიზნესს — ახალი პარტნიორი, ხოლო სამუშაოს მაძიებელს — დასაქმების შესაძლებლობა.

ჩვენ გვინდა, ამ ადამიანებს ერთმანეთის პოვნა გავუმარტივოთ.

ჩვენი მიზანი მხოლოდ ციფრული პლატფორმის შექმნა არ არის — გვინდა ხელი შევუწყოთ უფრო დაკავშირებული, აქტიური და განვითარებაზე ორიენტირებული ადგილობრივი საზოგადოების ჩამოყალიბებას.